ამერიკელმა მილიარდერმა ბიზნესმენმა, ილონ მასკმა 8 თებერვალს დაწერა, რომ მისი კომპანია SpaceX მარსზე ქალაქის აშენების ამბიციის ნაცვლად ყურადღებას ჯერ მთვარეზე "თვითმზარდი ქალაქის" აშენებას დაუთმობს.
"მათთვის, ვინც არ იცის, SpaceX-მა უკვე გადაიტანა ყურადღება მთვარეზე თვითმზარდი ქალაქის მშენებლობაზე, რადგან ჩვენ ამის მიღწევა პოტენციურად 10 წელიწადზე ნაკლებში შეგვიძლია, ხოლო მარსს 20 წელზე მეტი დასჭირდება." - წერს მასკი საკუთარ სოციალური მედიის პლატფორმა X-ზე.
მაინც შეეცდება მარსის ქალაქის აშენებას და ამაზე მუშაობას კომპანია დაახლოებით 5-7 წელიწადში დაიწყებს, თუმცა "უპირატესი პრიორიტეტი ცივილიზაციის მომავლის უსაფრთხოების უზრუნველყოფაა და მთვარე უფრო სწრაფია".
"SpaceX-ის მისია იგივე რჩება: ცნობიერებისა და სიცოცხლის, როგორც ეს ჩვენთვის ცნობილია, ვარსკვლავებამდე განვრცობა". - დაამატა მასკმა.
მასკის პოსტამდე გამოცემა Wall Street Journal-მა დაწერა, რომ როგორც SpaceX-მა ინვესტორებს განუცხადა, კომპანია პრიორიტეტს მთვარეზე დაბრუნებას მიანიჭებდა, ხოლო მარსზე გამგზავრებას უფრო მოგვიანებით შეეცდებოდნენ. გამოცემის ცნობით, შეცვლილი გეგმების ფარგლებში, კომპანიისთვის მთვარეზე ეკიპაჟის გარეშე დაჯდომის პოტენციური სამიზნე თარიღი 2027 წლის მარტი იქნება.
