ებრაული გამოცემა Ynet იუწყება, რომ ბენ გურიონის აეროპორტის სასაზღვრო სამსახურმა ამ კვირაში საქართველოს 8 მოქალაქის ისრაელში უკანონო შესვლის მცდელობა აღკვეთა.
რვა ცალკეულ შემთხვევაში, 40-50 წლის ასაკის 4 მამაკაცი და 4 ქალი დააკავეს, როდესაც ისინი ყალბი ისრაელის პასპორტებით ქვეყანაში შესვლას ცდილობდნენ.
გამოცემის მიხედვით, საქართველოს მოქალაქეები, რომლებიც ისრაელში სხვადასხვა რეისით ჩაფრინდნენ, უკვე დეპორტირებულნი არიან.
