დღეს, საფრანგეთის პრეზიდენტი ემანუელ მაკრონი ოვალურ ოფისში G7-ის სამიტზე სასაუბროდ შემომიერთდა. სამიტი კანადის გუბერნატორმა, G7-ის ამჟამინდელმა თავმჯდომარემ, ჯასტინ ტრუდომ მოიწვია, რუსეთ-უკრაინის ომის მესამე წლისთავთან დაკავშირებით – ომის, რომელიც არასდროს დაიწყებოდა, მე რომ პრეზიდენტი ვყოფილიყავი. ყველა გამოხატავდა ომის დასრულების სურვილს, მე კი ხაზი გავუსვი აშშ-სა და უკრაინას შორის სასიცოცხლოდ მნიშვნელოვანი "კრიტიკული მინერალებისა და იშვიათი წიაღისეულის შეთანხმების" მნიშვნელობას, რომლის ხელმოწერასაც უახლოეს მომავალში ველით! ეს შეთანხმება, რომელიც "ეკონომიკურ პარტნიორობას" წარმოადგენს, უზრუნველყოფს, რომ ამერიკელმა ხალხმა აინაზღაუროს ათობით მილიარდი დოლარი და სამხედრო აღჭურვილობა, რომელიც უკრაინას გადაეცა და ამავდროულად, დაეხმარება უკრაინის ეკონომიკის გაძლიერებას, როდესაც ეს სასტიკი და ბარბაროსული ომი დასრულდება. ამავდროულად, მე სერიოზულ მოლაპარაკებებს ვაწარმოებ რუსეთის პრეზიდენტ ვლადიმირ პუტინთან ომის დასრულებისა და იმ მნიშვნელოვანი ეკონომიკური განვითარების შეთანხმებების შესახებ, რომელიც აშშ-სა და რუსეთს შორის შედგება. მოლაპარაკებები ძალიან კარგად მიმდინარეობს!
რუსეთ-უკრაინის 2022-26 წლის ომი
ტრამპი: სერიოზულ მოლაპარაკებებს ვაწარმოებ რუსეთთან, ეკონომიკური განვითარების შესახებ
