ამერიკელი რეპერი, A$AP Rocky (რაკიმ მეიერსი) ლოს ანჯელესის სასამართლომ უდანაშაულოდ ცნო.
ცნობისთვის, რეპერს ლოს ანჯელესის სასამართლო ნახევრად ავტომატური ცეცხლსასროლი იარაღით ყოფილ მეგობარზე, A$AP Relli-ზე (რომელიც მეიერსის მუსიკალური კოლექტივის წევრი იყო) თავდასხმას ედავებოდა.
მეიერსმა ბრალდება უარყო - დაცვის მხარე ამტკიცებდა, რომ შემთხვევისას რეპერს თან სარეკვიზიტო იარაღი ჰქონდა, რომლიდანაც "შეუძლებელია ცეცხლი გახსნილიყო".
3 კვირიანი პროცესის ფარგლებში, მეიერსმა უარი თქვა სასამართლოს შეთავაზებაზე, რომელიც 180 დღის ციხეში გატარებას და მის შემდგომ პრობაციის პერიოდს ითვალისწინებდა - უკანასკნელის უარყოფის შემთხვევაში A$AP Rocky-ს 24 წლით თავისუფლების აღკვეთა ემუქრებოდა.
მეიერსის საქმის ბოლო მოსმენაზე ნაფიცმა მსაჯულებმა რაკიმ მეიერსის საქმეზე გამამართლებელი ვერდიქტი გამოიტანეს.
"მადლობა, რომ ჩემი ცხოვრება გადაარჩინეთ". - უთხრა მეიერსმა ნაფიცმსაჯულებს.
