დაზიანდა ცენტრალური გაზსადენი, რომელიც ვაკე-საბურთალოს ამარაგებს - Tbilisi Energy

თბილისი ენერჯის განცხადებით, დაუდგენელი მიზეზის გამო, ცენტრალური გაზსადენი დაზიანდა, რომელიც ვაკე-საბურთალოს ამარაგებდა.

კომპანიის ცნობით, გაზმომარაგების აღსადგენად ტექნიკური ჯგუფები მუშაობენ.

"დაუდგენელი მიზეზის გამო, დაზიანდა ცენტრალური დე 500 მილიმეტრიანი გაზსადენი რომელიც ამარაგებს ვაკე-საბურთალოს. გაზსადენის აღსადგენად თბილისი ენერჯის ტექნიკური ჯგუფები უკვე მუშაობენ.

ბუნებრივი გაზის აღდგენის შესახებ მოგვიანებით მოგაწვდით ინფორმაციას. გთხოვთ ყურადღებით იყოთ გაზის დანადგარების მოხმარებისას. ბოდიშს გიხდით კომპანიისგან დამოუკიდებელი მიზეზებით შექმნილი დისკომფორტის გამო"- ნათქვამია თბილისი ენერჯის მიერ გავრცელებულ ინფორმაციაში.

ჯერჯერობით უცნობია, როდის აღდგება გაზმომარაგება.