სომხეთ-საქართველოს საზღვარზე, ბაგრატაშენის გამშვები პუნქტის მახლობლად ხანძარი გაჩნდა. ცნობების მიხედვით, ცეცხლი პიროტექნიკის საწყობს გაუჩნდა, დაშავდა ორი ადამიანი.
როგორც რადიო თავისუფლების პროექტი Эхо кавказа და სომხური ტელეგრამ-არხები წერენ, ეს ინფორმაცია სომხეთის შინაგან საქმეთა სამინისტროს სამაშველო სამსახურმაც დაადასტურა.
შეტყობინება ხანძრის შესახებ ტავუშის პროვინციის საგანგებო ვითარებათა მართვის ეროვნულმა ცენტრმა მიიღო.
სომხეთის შსს-ს ცნობით, ხანძარი ჩააქრეს.
