13 სექტემბრის ღამეს, უკრაინამ საჰაერო თავდაცვით ბრძოლის მსვლელობისას 24 რუსული უპილოტო საფრენი აპარატი გაანადგურა.
"მეტოქემ უკრაინის ტერიტორიაზე შაჰედის ტიპის 26 დრონით იერიში მიიტანა. საჰაერო ბრძოლის შედეგად განადგურებულია 24 უპილოტო საფრენი აპარატი. 9:00 საათის მონაცემებით კიდევ ერთი დრონი უკრაინის საჰაერო სივრცეში იმყოფება, საბრძოლო სამუშაოები გრძელდება". – წერია უკრაინის საჰაერო ძალების ანგარიშში.
უპილოტო საფრენი აპარატების განადგურებაში მონაწილეობდა მობილური ცეცხლი ჯგუფები და უკრაინის შეიარაღებული ძალების რადიოელექტრონული ბრძოლის ქვედანაყოფები.
დრონები პრიმორო-ახტარსკისა და ოკუპირებული ყირიმის ტერიტორიიდან ააფრინეს.
საჰაერო ბრძოლა ნიკოლაევის, ოდესის, ხერსონის, ხმელნიცკისა და ივანო-ფარნკოვსკის რეგიონებში მიმდინარეობდა.
რუსეთის უკრაინას ავიაციითა და არტილერიით ყოველდღიურად ბომბავს.
