ეგზიტპოლების მიხედვით, მექსიკის საპრეზიდენტო არჩევნებში 61 წლის კლაუდია შეინბაუმი ლიდერობს. კლაუდია შეინბაუმი მექსიკის პირველი ქალი პრეზიდენტი იქნება. წინასწარი მონაცემებით, კლაუდია შეინბაუმმა ხმების 56%-ი მიიღო.
კლაუდია შეინბაუმის მთავარი მეტოქე მექსიკის საპრეზიდენტო არჩევნებზე ხოჩიტლ გალვესი იყო. შეინბაუმი აქამდე დედაქალაქ მეხიკოს მერი იყო. შეინბაუმი მოქმედი პრეზიდენტის ანდრეს მანუელ ლოპეს ობრადორის პოლიტიკურ მემკვიდრედ ითვლება.
არჩევნების საბოლოო შედეგები 3 ივნისს, რამდენიმე საათში გამოქვეყნდება. შეინბაუმის პარტიის მორენას მხარდამჭერები მის გამარჯვებას უკვე მეხიკოს მთავარ მოედანზე აღნიშნავენ.
არჩევნებზე მექსიკელმა ამომრჩევლებმა პრეზიდენტთან ერთად კონგრესის წევრები და გუბერნატორებიც აირჩიეს.
