აშშ-ს სახელმწიფო მდივნის, ენტონი ბლინკენის თქმით, აშშ-ს დახმარების გარეშე უკრაინის მიერ მიღწეული ყველა წარმატება რისკის ქვეშ აღმოჩნდება. ამის შესახებ ბლინკენმა NATO-ს გენერალურ მდივანთან, იენს სტოლტენბერგთან ერთად გამართულ ბრიფინგზე ისაუბრა.
ბლინკენის თქმით, კონგრესის მიერ დახმარების დამტკიცება სასიცოცხლოდ მნიშვნელოვანია, რათა დასავლელი პარტნიორები გააქტიურდნენ და გააკეთონ ყველაფერი, რაც საჭიროა უკრაინის წარმატებისა და რუსეთის დამარცხებისთვის.
"დამატებითი ბიუჯეტის გარეშე ჩვენს მოწინააღმდეგეებს არასწორ სიგნალს გავუგზავნით, რომ ჩვენ არასწორად ვეკიდებით თავისუფლებისა და დემოკრატიის დაცვას. ეს კი გააძლიერებს ვლადიმერ პუტინის რწმენას, რომ შეუძლია, დაამარცხოს უკრაინა და გაგვიმკლავდეს ჩვენ. ჩვენ უნდა დავრწმუნდეთ, რომ ეს ასე არ არის". - თქვა ბლინკენმა.
ამავდროულად, აშშ-ს სახელმწიფო მდივანმა აღნიშნა, რომ აშშ-ს უთავდება სამხედრო დახმარება, რომელსაც უკრაინას აწვდიდა და ეს უკვე ახდენს ბრძოლის ველზე ზეგავლენას.
