პაპუაშვილი: ახლა იმაზე მათხოვრობა, რომ საარჩევნო ბარიერი დაიწიოს, შეუსაბამოა

5% ადეკვატური ბარიერია, რომელიც ბევრ ქვეყანაში არსებობს. ის საერთაშორისო დონეზეც მოწონებულია, ამასთან დაკავშირებით, ვენეციის კომისიის დასკვნაც არსებობს და ა.შ. ამიტომ, ახლა იმაზე მათხოვრობა, რომ ბარიერი დაიწიოს, მე მგონი, შეუსაბამოა. პარტიებს პრეტენზია აქვთ, რომ ხალხს წარმოადგენენ და ქვეყნის მართვა უნდათ და იმის იმედიც არ აქვთ, რომ რამდენიმე ათას ხმას მიიღებენ. პრობლემები საკუთარ თავში ეძებონ.

თქვა პარლამენტის თავმჯდომარემ, შალვა პაპუაშვილმა საარჩევნო ბარიერის დაწევის საკითხთან დაკავშირებით.

ქართული ოცნების თავმჯდომარის ირაკლი კობახიძის 2022 წლის განცხადებით, თუ საქართველო დეკემბერში ევროკავშირისგან კანდიდატის სტატუსს მიიღებს, 2024 წლის საპარლამენტო არჩევნები სრულად პროპორციული სისტემითა და 2%-იანი ბარიერით ჩატარდება.