ხორვატიის თავდაცვის მინისტრი, მარიო ბანოჟიჩი 11 ნოემბერს მომხდარი ავტოკატასტროფის შედეგად, რომელსაც ერთი ადამიანის სიცოცხლე ემსხვერპლა, მძიმედ დაშავდა.
შემთხვევა აღმოსავლეთ ხორვატიაში, დილის 6 საათზე მოხდა. ხორვატიის თავდაცვის სამინისტროს და სახელმწიფო ტელევიზიის ინფორმაციით, ბანოჟიჩი მართავდა მანქანას, რომელიც ფურგონს დაეჯახა. ავტოსაგზაო შემთხვევის შედეგად ფურგონის მძღოლი დაიღუპა.
"სამძიმარს ვუცხადებთ დაღუპულის ოჯახს". - დაწერა ხორვატიის მთავრობის სპიკერმა მარკო მილიჩმა X-ზე.
მისივე თქმით, ბანოჟიჩის სიცოცხლეს საფრთხე არ ემუქრება, თუმცა სერიოზული დაზიანებები მიიღო. თავდაცვის სამინისტროს განცხადებაში ნათქვამია, რომ მომხდართან დაკავშირებით გამოძიება მიმდინარეობს.
