სოფელ კირბალში საქართველოს მოქალაქის მკვლელობას სოციალურ ქსელში გამოეხმაურა ევროპარლამენტარი ვიოლა ფონ კრამონი.
"რუსეთი კლავს. ის კლავს უკრაინაში, სირიაში და რა თქმა უნდა საქართველოში.
საქართველოს რუსეთის ოკუპაციის ქვეშ ყოფნის 200-წლიანმა გამოცდილებამ ასწავლა, რომ მჩაგვრელის დამშვიდება შეუძლებელია. ბოროტებას მხოლოდ ერთად დგომით დავამარცხებთ. ვუსამძიმრებ კიდევ ერთი მსხვერპლის ოჯახს". – წერს ფონ კრამონი
სახელმწიფო უსაფრთხოების სამსახურის ცნობით, 6 ნოემბერს, გორის მუნიციპალიტეტის სოფელ კირბალის მიმდებარედ რუსულმა საოკუპაციო ძალებმა საქართველოს 1 მოქალაქე მოკლეს, 1 კი დააკავეს.