უკრაინის საჰაერო თავდაცვის სისტემებმა ოკუპანტების მიერ გაშვებული 29 ირანული წარმოების Shahed 136/131-ის ტიპის დრონიდან 24 ჩამოაგდეს.
ინფორმაციას უკრაინის შეიარაღებული ძალები ავრცელებს.
"5 ოქტომბრის ღამეს, მასირებული შეტევის დროს რუსეთმა გამოიყენა 29 ერთეული უპილოტო საფრენი აპარატი Shahed 136/131. ჩვენი საჰაერო თავდაცვის ძალებმა 24 დრონი გაანადგურა". – წერია შეირაღებული ძალების განცხადებაში.
ამ ეტაპზე უცნობია თუ რა ბედი ეწია დარჩენილ 5 დრონს. დანაკლისების და ინფრასტრუქტურის განადგურების შესახებ ინფორმაცია არ გავრცელებულა.
