გურჯაანში მკვლელობაში ბრალდებულის საცხოვრებელი სახლი დაწვეს. სახლი 35 წლის ბექა ჯანიაშვილის მკვლელობაში ბრალდებულს, კოლა გაბიტაშვილს ეკუთვნოდა.
შინაგან საქმეთა სამინისტროს ინფორმაციით, გამოძიება სისხლის სამართლის კოდექსის 188-ე მუხლით დაიწყო, რაც გაუფრთხილებლობით სხვისი ნივთის დაზიანებას ან განადგურებას გულისხმობს.
4 სექტემბერს 35 წლის ჯანიაშვილი ცეცხლსასროლი იარაღით მოკლეს. მკვლელობაში ბრალდებული 85 წლის კოლა გაბიტაშვილია. ის პოლიციამ ადგილზე დააკავა.
