რაც შეეხება ლისზე განვითარებულ მოვლენებს, მე კიდევ ერთხელ მინდა შეგახსენოთ, რომ გამოძიება, რა თქმა უნდა, ყველაფერს სჭირდება, თუ სადმე რაიმე დანაშაული არის ჩადენილი, მაგრამ, ქრონოლოგიურად, ჯერ უწევს გამოძიება 7-8 მარტის ძალადობას, ხომ? ჯერ უნდა იყოს გამოძიებული 7-8 მარტის ძალადობა სათანადოდ, საჭიროა შესაბამისი ადამიანების ბოლო პასუხისგებაში მიცემა და ამის მერე მოვა ალბათ დრო, რომ გამოძიებულ იქნეს ლისზე განვითარებული მოვლენა.
7-9 მარტსაც იყო უამრავი ფაქტი, მათ შორის, იყო ადამიანებზე ძალადობის ფაქტები, რაც არის ძალიან მძიმე. ცეცხლი არავისთვის წაუკიდებიათ ლისზე. ცეცხლი წაუკიდეს 7-8 მარტს მოძალადეებმა და გახსოვთ, ვანდალიზმი იყო ათასნაირი. რუსთაველი ლამის გადაწვეს, რუსთაველის თეატრს მიახატეს რაღაც სიბინძურე. ეს ხდებოდა 7-8 მარტს. ამის ნახევარიც კი არაფერი მომხდარა ლისზე.
[...] გახსოვთ რა ხდებოდა რუსთაველზე, კატასტროფა - გადაწვეს ლამის პარლამენტის შენობა, პარლამენტის შენობაში იჭრებოდნენ. რუსთაველის თეატრს მიახატეს სიბინძურე. ეს გააკეთეს ამ ადამიანებმა. ნებისმიერი ძალადობა არის მიუღებელი, ხარისხობრივად რომ შევადაროთ ლისის ძალადობა და 7-8 მარტის ძალადობა ერთმანეთს, შედარებაც არ არის - ხუთჯერ ნაკლები იყო ძალადობა ლისზე, იმასთან შედარებით, რაც იყო 7-8 მარტს.
თუ ორმაგ სტანდარტზეა საუბარი, მე არ მახსენდება კონკრეტული ადამიანების განცხადებები 7-8 მარტის ძალადობასთან დაკავშირებით - არც დაგმობა და არც არაფერი. პირიქით, იყო ძალადობის გარშემო წამახალისებელი განცხადებები.