ონში ავტოსაგზაო შემთხვევას 11 წლის ბიჭის სიცოცხლე ემსხვერპლა. ამის შესახებ ინფორმაციას ონის მერია ავრცელებს.
"ღრმა მწუხარებას გამოვთქვამ ონში მომხდარი ტრაგედიის გამო, ვუსამძიმრებ ოჯახის წევრებს, ახლობლებს, მეგობრებს და გამძლეობას ვუსურვებ მათ." - წერია მერის, სერგო ხიდეშელის განცხადებაში.
შინაგან საქმეთა სამინისტროს ინფორმაციით, გამოძიება სისხლის სამართლის კოდექსის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.