ბეჟაშვილი: პოლიტიკურ საქმიანობასთან დაკავშირებით, სააკაშვილთან კონსულტაციები გვექნება

ახალი არჩევნების შემდეგ, ერთიანი ნაციონალური მოძრაობა მიხეილ სააკაშვილს უკვე დაუბრუნდა და ბუნებრივია, ჩვენ კონსულტაციები გვექნება, მათ შორის, ადვოკატისა და სხვა პირების მეშვეობით, რა პოლიტიკური გადაწყვეტილებები უნდა მივიღოთ ჩვენ სამომავლო პოლიტიკურ საქმიანობასთან დაკავშირებით, მათ შორის, მიხეილ სააკაშვილის ქართულ პოლიტიკაში გააქტიურებასთან დაკავშირებით. იმიტომ, რომ ჩვენ ვხედავთ, ხელისუფლება მიხეილ სააკაშვილის წამებასა და მის მიმართ არაადამიანურ მოპყრობას აგრძელებს და მისი გარესამყაროსგან იზოლირებას ახდენს. მასთან არც დეპუტატებისა და არც ევროპარლამენტარების შეშვება არ ხდება. ამიტომ, ბუნებრივია, ჩვენ მასთან კონსულტაციები გვექნება, რა ფორმით უნდა გავაგრძელოთ პოლიტიკური საქმიანობა ჩვენ ციხის გარეთ და სააკაშვილმა ციხეში.