ჩეხეთის დედაქალაქ პრაღაში 16 აპრილს ათასობით მოქალაქე მაღალი ინფლაციისა და ენერგორესურსებზე ფასების ზრდის გამო ქუჩებში გამოვიდა და მთავრობას გადადგომისკენ მოუწოდა.
ჩეხეთის პოლიცია დამატებით კომენტარს არ აკეთებს იმაზე, თუ რამდენი ადამიანი შეუერთდა პროტესტს დედაქალაქში, რომელიც დემონსტრანტებმა "ჩეხეთი სიღარიბის წინააღმდეგ" ლოზუნგით გააფორმეს.
16 აპრილის პროტესტი, ისევე, როგორც მარტის აქციები არასაპარლამენტო პოლიტიკურმა პარტია PRO-მ დააორგანიზა, რომელიც პრემიერმინისტრ პეტრ ფიალას მემარჯვენე-ცენტრისტულ მთავრობას ენერგეტიკულ კრიზისთან გასამკლავებელი პოლიტიკის გამო აკრიტიკებს.
"შეაგროვეთ თქვენი ღირსების უკანასკნელი ნარჩენები, გააცნობიერეთ, რომ ვერ აკმაყოფილებთ თანამდებობისთვის აუცილებელ პირობებს და გადადექით". - მიმართა საპროტესტო აქციის ორგანიზატორმა და PRO-ს ლიდერმა, ჯინდრიხ რაიჩლმა.