სტატისტიკის ეროვნული სამსახური აქვეყნებს გამყვანი ტურიზმის სტატისტიკას, რომლის მიხედვით, 2022 წელს საქართველოდან 2.2 მლნ გასვლა აღირიცხა. მაჩვენებელი წინა წლის შესაბამისი პერიოდის მონაცემს 3.7-ჯერ აღემატება.
ამ მაჩვენებლიდან საქართველოს რეზიდენტი ვიზიტორების საზღვარგარეთ ვიზიტების რაოდენობამ 1.7 მლნ შეადგინა.
საქართველოს რეზიდენტი ვიზიტორების განაწილება მონახულებული ქვეყნების მიხედვით ასეთია:
- თურქეთი - 54.1%;
- რუსეთის ფედერაცია - 14.2%;
- სხვა ქვეყნები - 12.6%;
- ევროკავშირის წევრი ქვეყნები - 10.9%;
- სომხეთი - 7%;
- აზერბაიჯანი - 1.2%.
საზღვარგარეთ ვიზიტებისას გათეული ღამეების საშუალო რაოდენობა 6.1-ს შეადგენდა.
ვიზიტების კატეგორიზაცია მიზნის მიხედვით ასეთია:
- საყიდლები - 41%;
- მეგობრების/ნათესავების მონახულება- 22.2%;
- პროფესიული/ეკონომიკური საქმიანობა - 19%;
- დასვენება, გართობა, რეკრეაცია - 12.4%;
- მკურნალობა, გაჯანსაღება - 2.6%;
- სხვა - 2.8%.
2022 წელს განხორციელებული ვიზიტებისას ჯამურმა ხარჯმა 1.8 მილიარდი ლარი შეადგინა. საშუალოდ, ვიზიტისას 1078.6 ლარი იხარჯებოდა. აქედან საყიდლებზე 759.8 მლნ ლარი (მთლიანი ხარჯის 41.6%) დაიხარჯა.
