პრემიერმინისტრი, ირაკლი ღარიბაშვილი საქართველოს კათოლიკოს-პატრიარქს, ილია მეორეს ბოლო 3 კვირის განმავლობაში მეორედ შეხვდა. ამის შესახებ ღარიბაშვილი სოციალურ ქსელში წერს და პატრიარქთან გადაღებულ ფოტოს ავრცელებს.
"დღეს საღამოს ვესტუმრე კათოლიკოს-პატრიარქს, უწმინდესსა და უნეტარესს, ილია II-ს. ვისაუბრეთ ჩვენი ქვეყნისთვის ბევრ მნიშვნელოვან საკითხზე. დღეგრძელობა ჩვენს პატრიარქს". - წერს ღარიბაშვილი ფეისბუქის გვერდზე.
ღარიბაშვილი პატრიარქს ბოლოს 22 აგვისტოს შეხვდა. მაშინ პრემიერმინისტრი წერდა, რომ ის ილია მეორეს ქვეყანაში არსებულ ვითარებასა და მთლიანად მსოფლიოში მიმდინარე პროცესებზე ესაუბრა.
