ვოლსკი სააკაშვილზე: მოსამართლეს დავურეკოთ და ვუთხრათ, მოდი რა, გადაუვადე რა, თუ ძმა ხარ?

ვინც არ უნდა იყოს, როგორი დამნაშავეც არ უნდა იყოს, მე არ მიყვარს - იქ ზის და უნდა ჩალპესო და ასეთ სისულელეებს რომ ლაპარაკობენ. მე ამას არ ვეთანხმები. მაგრამ, დანაშაული ჩადენილია და ამ დანაშაულზე ქართული ოცნება პარტიის შიგნით მსჯელობს თუ არ მსჯელობს, რა რესურსია? ვის უნდა ვუთხრათ? მოსამართლეს დავურეკოთ და ვუთხრათ, რომ მოდი რა, გადაუვადე რა, თუ ძმა ხარ? ასე? გადაწყვეტილება ჩვენ ვუკარნახოთ? [...] წარმოიდგინეთ, ქართულ ოცნებას ეკითხებიან, სააკაშვილის ციხიდან გაშვებაზე პოლიტიკური გადაწყვეტილების მიმღები ხართ თუ არაო, ანუ თქვენი თავის ლუსტრაციას მოახდენთ თუ არა, რომ თქვენ უკარნახოთ მოსამართლეს გადაწყვეტილების მიღება. ეგ გამორიცხული თემაა. ვერანაირ გავლენას სასამართლოზე ჩვენ ვერ მოვახდენთ.