რუსული სამთავრობო მედია РИА Новости ავრცელებს ინფორმაციას, რომ რუსულმა მხარემ საქართველოს რუსეთის მოქალაქის, ანასტასია შატალოვას მკვლელობასთან დაკავშირებით სამართლებრივი თანამშრომლობა სთხოვა.
"[რუსეთის ფედერაციის] ინტერესების სექციამ [საქართველოს შვეიცარიის საელჩოში] საქართველოს საგარეო საქმეთა სამინისტროს გაუგზავნა ნოტა თხოვნით, საქართველოს კომპეტენტური ორგანოების მიერ [რუსული მხარისთვის] ჩადენილ დანაშაულთან დაკავშირებული ინფორმაციის გადაცემის, ასევე აუცილებელ სამართლებრივ ქმედებში დახმარების, მათ შორის, გარდაცვლილის მამისთვის ცხედრის დროული გადაცემის შესახებ", – აცხადებენ რუსეთის საგარეო საქმეთა სამინისტროში.
"საქართველოს ხელისუფლებასთან მჭიდრო თანამშრომლობით ხდება გარდაცვლილის საქართველოში მყოფი ნათესავების, მათ შორის მისი რუსეთის მოქალაქეობის მქონე არასრულწლოვანი შვილის ინტერესების დამცველი ნაბიჯების გადადგმა", – ამატებენ რუსეთის საგარეო საქმეთა სამინისტროში.
27 წლის ანასტასია შატალოვა, რომელიც რუსეთის მოქალაქე იყო, თბილისში, კამანის ქუჩაზე 17 ოქტომბერს მოკლეს. შატალოვას ბათუმის ყოფილ ვიცე-მერთან, ზურაბ ბერიძესთან საერთო შვილი ჰყავდა. მკვლელობასთან დაკავშირებით, სავარაუდოდ, ბერიძეც დაკითხეს - პოლიცია მის სახლთან ინყოფებოდა. ბერიძე ამბობს, რომ 6 თვეა შატალოვასთან ურთიერთობა არ ჰქონია
შატალოვას მკვლელობასთან დაკავშირებით შინაგან საქმეთა სამინისტრომ 3 პირი დააკავა.