TBILISI PRIDE-ის დირექტორი, გიორგი თაბაგარი წერს, რომ ალტ-ინფოს დამფუძნებლის, ზურაბ მახარაძისა და პუტინისტური და ჰომოფობიური ჯგუფის ერთ-ერთი ლიდერის, გურამ ფალავანდიშვილის სახლი გაჩხრეკა და შემდგომ მახარაძის გამოკითხვაზე დაბარება მხოლოდ ელჩების დასანახად ხდება.
"ბლეფია ეს და ტყუილი ფაფხური. 5 ივლისამდეც დაიბარეს გამოკითხვაზე რომ ჩვენთან და ელჩებთან ეთქვათ, რო აი ხო ვიძიებთ საქმეს. იმ დროისთვისაც ჰქონდათ საკმარისი საფუძველი მახარაძის დასაკავებლად, მაგრამ არაფერი ქნეს და ერთად შეასრულეს 5 ივლისი!
ამაში ეჭვი აღარ მეპარება!" - წერს გიორგი თაბაგარი.
სამართალდამცველებმა პრორუსული მედიის, ალტ-ინფოს დამფუძნებლის, ზურაბ მახარაძის სახლი გაჩხრიკეს. ჩხრეკის დასრულების შემდეგ, პოლიციამ მახარაძე განყოფილებაში გადაიყვანა.
ჩხრეკა მიმდინარეობს ძალადობრივი, პუტინისტური და ჰომოფობიური ჯგუფის ჯგუფის ერთ-ერთი ლიდერის, გურამ ფალავანდიშვილის სახლშიც.
შინაგან საქმეთა სამინისტრო ჯერჯერობით არ ასახელებს, თუ ვის სახლებში მიმდინარეობს ჩხრეკა, თუმცა უწყებაში ადასტურებენ, რომ საგამოძიებო მოქმედებები 5-6 ივლისის მოვლენებს ეხება.