პრინცი ფილიპის დაკრძალვამდე ბრიტანეთის სამეფო ოჯახის Twitter-ის გვერდი დედოფალის და პრინცი ფილიპის საერთო ფოტოს ავრცელებს.
"დედოფალს სურს, ედინბურგის ჰერცოგთან ერთად გადაღებული ეს პირადი ფოტო გააზიაროს". - წერია სამეფო ოჯახის გვერდზე 2003 წელს შოტლანდიაში გადაღებული ფოტოს შესახებ.
სამეფო ოჯახის Twitter-ის გვერდი პრინცი ფილიპის სხვა ფოტოებსაც ავრცელებს.
დედოფალი ელიზაბეთი და პრინცი ფილიპი შვიდ შვილთაშვილთან ერთად. 2018 წელი. 
პრინცი უილიამი, დედოფალი ელიზაბეთი, პრინცი ფილიპი, კემბრიჯის ჰერცოგინია კეთრინი, პრინცი ჯორჯი და პრინცესა შარლოტი. 2015 წელი. 
პრინცი ფილიპი და პრინცი ჩარლზი. 1966 წელი.
დედოფალი და პრინცი ფილიპი.
პრინცი ფილიპი და დედოფალი.
პრინცი ფილიპი დედოფლის წინაშე ფიცს დებს. ელიზაბეთ II-ის კორონაცია. 1953 წელი. 
დედოფალი და პრინცი ფილიპი.
დედოფალი და პრინცი ფილიპი.
პრინცი ფილიპი და დედოფალი.პრინცი ფილიპის დაკრძალვის ცერემონიალი 17 აპრილს უინძორის სასახლეში, წმინდა გიორგის სამლოცველოში ლონდონის დროით 14:30 საათზე გაიმართება.
გაერთიანებულ სამეფოში ლონდონის დროით 15:00 საათზე პრინცი ფილიპის ხსოვნას წუთიერი დუმილით პატივს მიაგებენ.
კორონავირუსის პანდემიის დროს დაწესებული შეზღუდვების გამო, სამლოცველოში 30 პირის ყოფნაა დაშვებული.
ცერემონიალს არ დაესწრება ბრიტანეთის პრემიერმინისტრი, ბორის ჯონსონი, იმისათვის, რომ კორონავირუსის გამო დაწესებული შეზღუდვების ფონზე სამეფო ოჯახიდან რაც შეიძლება მეტი წევრი დაესწროს დაკრძალვის ცერემონიალს.
ბრიტანული ტელევიზიები დაკრძლავის ცერემონიალს გააშუქებენ. დაკრძალვის ცერემონიალის პირდაპირ ერთერში შეგიძლიათ ნახოთ აქ.
პრინცი ფილიპი 9 აპრილს დილით, უინძორის სასახლეში გარდაიცვალა.
ფილიპი საბერძნეთისა და დანიის სამეფო ოჯახების წარმომადგენელია. განათლება საფრანგეთში, გერმანიასა და დიდ ბრიტანეთში მიიღო. მეორე მსოფლიო ომის პერიოდში მსახურობდა ფლოტში. 1947 წლის 20 ნოემბერს იქორწინა ელისაბედ უინძორზე, რომელიც 5 წელიწადში გაერთიანებული სამეფოს მონარქი გახდა.
