შსს: 16-წლამდე გოგოსთან კაცს სქესობრივი კავშირი ჰქონდა, გოგოზე ძმამ ფიზიკურად იძალადა

შინაგან საქმეთა სამინისტროს ინფორმაციით, კახეთში 16 წლამდე გოგოსთან კაცს სექსუალური კავშირი ჰქონდა,ამის გაგების  შემდეგ კი მასზე ძმამ ფიზიკურად რამდენჯერმე იძალადა. 

უწყების ინფორმაციით, დაკავებულია 2 ადამიანი - არასრულწლოვნის ძმა, 1996 წელს დაბადებული ი.უ და 1995 წელს დაბადებული ა.ნ.

"გამოძიებით დადგინდა, რომ თელავის მუნიციპალიტეტში ა.ნ.-ს სქესობრივი კავშირი ჰქონდა 2006 წელს დაბადებულ არასრულწლოვანთან. აღნიშნულის შესახებ ცნობილი გახდა არასრულწლოვნის ოჯახის წევრებისთვის, რის შემდეგაც გოგონაზე ძმამ რამდენჯერმე ფიზიკურად იძალადა". – წერია განცხადებაში. 

უწყების ცნობით, გამოძიება126-ე პრიმა მუხლის მე-2 ნაწილის "ა" ქვეპუნქტითა და 140-ე მუხლის პირველი ნაწილით მიმდინარეობს. ი.უ-ს 3-წლამდე ვადით თავისუფლების აღკვეთა ემუქრება, ა.ნ-ს კი - 9 წლამდე ვადით.