სამწუხაროდ, საქართველოში არსებობს კონკრეტული ადამიანების ჯგუფი, რომელიც ყველაფერს იზამს იმისთვის, რომ ჩვენ მწყობრიდან გამოგვიყვანონ. შეეხებიან ყველაზე მტკივნეულ, ყველაზე სენსიტიურ, ყველაზე ძვირფას თემებს, რომ ჩვენ ჩაგვითრიონ რაიმე ინტრიგაში ან პროვოკაციაში. აქედან გამომდინარე, ჩვენ ორმაგი სიძლიერე და თავშეკავებულობა გვმართებს. მაგრამ, ეს სათქმელად ბევრად უფრო ადვილია, ვიდრე შესასრულებლად.
როგორ გავამტყუნო ჩემი ძმაკაცი, ჩემი მეჯვარე ამიკო, რომელიც გამოიყვანეს ლაკი ლუჩიანო თუ პაბლო ესკობარი. ის უახლოესი მეგობარია, არაერთხელ ყოფილა ჩემს ოჯახში და ინტერნეტში ვიღაც გიჟის ნაწერს კითხულობს ჩემს დედიკოზე და რეაგირებას აკეთებს. მე კი არ გავამტყუნებ, მეც იგივეს ვიზამ, ნებისმიერი ჩემი ძმაკაცის დედაზე რომ ვნახო მსგავსი სიტყვები, თავს ვერ შევიკავებ...
