ყვარელში ავტოსაგზაო შემთხვევას ქვეითად მოსიარულე არასრულწლოვანი ემსხვერპლა. მძღოლი, რომელიც არასრულწლოვანს დაეჯახა, დაკავებულია.
როგორც ტაბულას შინაგან საქმეთა სამინისტროში უთხრეს, მომხდარზე გამოძიება 276-ე მუხლის მე-6 ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.