2020 წლის საპარლამენტო არჩევნებზე ბიუჯეტიდან 42,7 მილიონი ლარი დაიხარჯება. შესაბიმისი დადგენილება მთავრობამ უკვე მიიღო. არჩევნების ჩატარებისთვის გამოყოფილი თანხებიდან ყველაზე მეტი - 19 მილიონი ლარი - შრომის ანაზღაურებაზე დაიხარჯება.
არჩევნების პროცესისთვის გამოყოფილი 42,7 მილიონი ლარი ხარჯების მიხედვით შემდეგნაირად გადანაწილდა:
- შრომის ანაზღაურება — 19,5 მილიონი ლარი;
- საქონელი და მომსახურება — 9.8 მილიონი ლარი;
- საარჩევნო სუბიექტის წარმომადგენლობა — 7,2 მილიონი ლარი;
- საარჩევნო სუბიექტების სატელევიზიო რეკლამა — 2,1 მილიონი ლარი;
- არჩევნებისთვის მოხელეთა მომზადება-გადამზადება — 1,1 მილიონი ლარი;
შეგახსნებეთ, რომ წინა საპარლამენტო არჩევნებზე ბიუჯეტიდან 4 მილიონით ნაკლები, 38,1 მილიონი ლარი დაიხარჯა. საპარლამენტო არჩევნები საქართველოში 2020 წლის ოქტომბერში ჩატარდება.