გორის მუნიციპალიტეტის მერი კონსტანტინე თავზარაშვილი ამბობს, რომ თბილისში სახელისუფლებო აქციაზე დასასწრებად საჯარო მოხელეები მოდიან.
"ესენი არიან საჯარო მოხელეები, ა(ა)იპის თანამშრომლები, ისე მოქალაქეები, ყველა, ვინც კი სურვილი გამოთქვა", - ასე პასუხობს თავზარაშვილი კითხვას, თუ ვინ მოდის ქართული ოცნების აქციაზე გორიდან.
მისივე თქმით, გორიდან 3500-მდე ადამიანის ტრანსპორტირება ხდება.
რეგიონებიდან თბილისში მოქალაქეები ქართულ ოცნებას აქციაზე დასასწრებად ჩამოყავს.
არასამთავრობო ორგანიზაციების და ომბუდსმენის ცნობით, დასტურდება, რომ საჯარო მოხელეებს აქციაზე დასწრებას აიძულებენ.
