ყაზბეგის რაიონში, სოფელ გერგეტთან ისრაელის მოქალაქე, 60 წლამდე მამაკაცი, გარდაცვლილი იპოვეს, ამის შესახებ ტაბულას საგანგებო სიტუაციების მართვის სამსახურში უთხრეს.
შინაგან საქმეთა სამინისტროს ინფორმაციით, სამძებრო სამუშაოები 1 ივლისს დაიწყო. მათივე ცნობით, მამაკაცი ხევში გადავარდა.
მომხდარზე გამოძიება სისხლის სამართლის კოდექსის 116-ე მუხლის პირველი ნაწილით დაიწყო, რაც გაუფრთხილებლობით სიცოცხლის მოსპობას გულისხმობს.
