საკულტო სერიალის "The Sopranos" მთავარი გმირის ტონი სოპრანოს ყველასთვის ნაცნობი სახლი იყიდება.
სახლი ნიუ-ჯერსიში მდებარეობს და მისი საწყისი ღირებულება 3.4 მილიონი დოლარია.
სახლი 520 კვადრატული მეტრის სიდიდის არის, ეზო კი 5 900 კვადრატული მეტრია. რამდენიმე უძრავი ქონების სააგენტოს დირექტორის თქმით, ტონი სოპრანოს სახლის რეალური ღირებულება 1.5 მილიონო დოლარია, თუმცა მეპატრონეებმა მაინც გადაწყვიტეს საწყის ფასად 3.4 მილიონი დოლარი დაესახელებინათ.
4 საძინებელი, 5 აბაზანა, ორი გარაჟი და ცალკე გამოყოფილი სტუმრების მისაღები სახლი - ამას მოიცავს ტონი სოპრანოს სახლი.
სერიალი "The Sopranos" 2007 წელს მეექვსე სეზონით დასრულდა. მიუხედავად ამისა, სერიალის ფანები დღემდე მიდიან და ტონი სოპრანოს სახლს ათვალიერებენ, როგორც საკულტო გმირის სახლს.
