მაღალი ძაბვის ვარდნის გამო ქუთაისის მოსწავლე-ახალგაზრდობის პარკში ე.წ. ეშმაკის ბორბალი და საბაგირო გზა გაჩერდა, რა დროსაც იქ 20-მდე არასრულწლოვანი და 5 ზრდასრული მოქალაქე იმყოფებოდა.
საგანგებო სიტუაციების მართვის სამსახურის ცნობით, ყველა მათგანი უკვე ჩამოყვანილია და შემთხვევის შედეგად არავინ დაშავებულა.
საქართველოს სახელმწიფო ელექტროსისტემის ცნობით, დღეს, 18:11 საათზე ავარიულად გამოირთო 500 კვ ელექტროგადამცემი ხაზი იმერეთი, რის გამოც ქვეყნის რამდენიმე რეგიონს, მათ შორის თბილისს ელექტროენერგიის მიწოდება დროებით შეუწყდა.
ხარვეზი ეტაპობრივად აღმოიფხვრება.