DC-ს კომიქსის ადაპტაციაში მთავარ როლებს მელისა მაკარტი, ელიზაბეტ მოსი და ტიფანი ჰადიში შეასრულებენ. პრემიერა აგვისტოში იგეგმება.bibliofile
ბრიუს უილისს, უილემ დაფოს და ედვარდ ნორტონს კი ჯონათან ლეთემის ნოველის ადაპტაციაში სავარაუდოდ ნოემბერში ვიხილავთ.bibliofile 
ეიმის ადამსი, ჯულიანა მური და გარი ოლდმენი კი ა.ჯ. ფინის ფილმის ადაპტაციაში ითამაშებენ, რომელიც ოქტომბერში გამოვა.bibliofile 
ტ.ს. ელიოტის პოემებზე დაფუძნებულ მიუზიკლში კი იდრის ელბა, ჯუდი დენჩი, იან მაკელენი, ტეილორ სვიფტი და ჯეიმს კორდენი ითამაშებენ და ის წლის ბოლოს, დეკემბერში გამოვა ეკრანებზე.bibliofile 
ჯოზეფ ჰელერის "Catch-22"-ზე დაფუძნებული მინისერიალი, რომელშიც ჯორჯ კლუნი თამაშობს მაისში გამოვა ეკრანებზე.bibliofile 
მერილ სტრიპი, გარი ოლდმენი და ანტონიო ბანდერასი კი ჯეიკ ბერნსტინის წიგნის ადაპტაციაში ითამაშებენ, რომელსაც სტივენ სოდერბერგი გადაიღებს.bibliofile 
ჩარლზ ბრანდტის ნოველის მიხედვით ფილმს "The Irishman" მარტინ სკორსეზე იღებს და მასში რობერტ დე ნირო და ალ პაჩინო თამაშობენ. bibliofile 
მარკ ბარნელის The Rhythm Section-ის ადაპტაციაში ჯუდ ლოუს და ბლეიკ ლაივლის ნოემბერში ვიხილავთ.bibliofile
ლუიზა მეი ალკოტის ნოველის მიხედვით გადაღებული ფილმი კი დეკემბერში გამოვა და მასში მთავარ როლებს მერილს სტრიპი, ემა უოტსონი, სირშა რონენი და ტიმოთი შალამე შეასრულებენ.bibliofile 2019 წელს ეკრანებზე არაერთი ცნობილი წიგნის ადაპტაციას ვიხილავთ. მათი ნაწილის ტრეილერები უკვე გამოქვეყნდა, ნაწილის შესახებ კი ჯერ კიდევ ცოტა რამაა ცნობილი. ნახეთ რას უნდა ელოდოთ ეკრანებზე 2019 წელს:
ნილ გეიმანისა და ტერი პრაჩეტის ერთობილივი ნამუშევრის, Good Omens-ის მიხედვით გადაღებული ტელესერიალი ეკრანებზე 31 მაისს გამოვა. მასში მთავარ როლებს მაიკლ შინი და დევის ტენანტი თამაშობენ. აღსანიშნავია, რომ სერიალში ღმერთს ტილდა სვინტონი, ხოლო სატანას ბენედიქტ კამბერბაჩი განასახიერებენ. Amazon-მა ტრეილერი უკვე გამოაქვეყნა.
Amazon-ის კიდევ ერთი ტელესერიალი, აგატა კრისტის ცნობილი დეტექტივის ადაპტაცია "The ABC Murders" რომელშიც მთავარ როლს ჯონ მალკოვიჩი ასრულებს, კი თებერვლის დასაწყისში გამოვიდა და უკვე შეგიძლიათ სრულად იხილოთ.
რიდიან ბრუკის წიგნის, "The Aftermath"-ის მიხედვით გადაღებული ფილმი, რომელშიც მთავარ როლს კირა ნაითლი ასრულებს ამერიკაში 15 მარტს გამოვიდა, ხოლო ევროპული პრემიერა მაისშია დაგეგმილი. მანამდე კი შეგიძლიათ ნახოთ ფილმის ტრეილერი.
მარია სემპლის წიგნის, "სად წახვედი, ბერნადეტ?" კინო ადაპტაციაში მთავარ როლს ქეით ბლანშეტი ასრულებს. ფილმის პრემიერა აგვისტოშია დაგეგმილი.
ოშა გრეი დეივიდსონის წიგნის "The Best of Enemies" პრემიერა კი 5 აპრილს შედგება. ფილმში მთავარ როლებს ტარაჯი პ. ჰენსონი და სემ როკველი ასრულებენ.
სტივენ კინგის მოყვარულებს კი "Pet Sematary"-ს მიხედვით გადაღებული საშინელებათა ფილმი ელით, რომელიც ეკრანებზე აპრილის დასაწყისში გამოვა.
გარდა ამისა სექტემბერში "IT"-ის მეორე ნაწილიც გამოვა, რომელშიც ბილ სკარსგარდს, ჯეიმს მაკევოის და ჯესიკა ჩესტეინს იხილავთ.
დისნეი კი ოენ კოლფერის ნოველის მიხედვით გადაღებულ ფანტასტიკას აგვისტოში შემოგვთავაზებს.
კიდევ რას უნდა ელოდოთ 2019 წელს?
