იდეალური შინაური ცხოველის არჩევა ძალიან რთულია. შინაური ცხოველის ყოლა დიდი პასუხისმგებლობაცაა. მასზე უნდა იზრუნოთ, დააკმაყოფილოთ მისი მოთხოვნები. უნდა გაითვალისწინოთ ის ფაქტიც, რომ ყოველთვის არ მოგეწონებათ მისი საქციელი, ბევრჯერ გაგაბრაზებთ, თუმცა, დღის ბოლოს ის ისევ უნდა გიყვარდეთ.
ქალაქში მცხოვრებლებისთვის ეს ყველაფერი უფრო რთულია, თუმცა ამ მალაიზიელმა ქალმა გარისკა და მეტიც, იხვის ჭუკის გაზრდა გადაწყვიტა.
39 წლის პროფესორმა, ერიკა ლიმმა, რომელიც კუალა ლუმპურიდანაა ვიეტნამურ რესტორანში განაყოფიერებული კვერცხი იყიდა. რესტორანში ბალუთი იყიდება. ბალუთი ფილიპიმური კერძია, რომელიც მზადდება ფრინველის განვითარების პროცესში მყოფი ემბრიონისგან, რომელსაც ხარშავენ. ლიმ ის იმპულსურად იყიდა და გადაწყვიტა სახლში გამოეჩეკა.
ფოტო: boredpanda
ცნობისმოყვარეობის გამო ქალმა ინკუბატორი ააწყო, რამდენიმე ნათურა დააყენა სითბოსთვის და შიგნით კვერცხი მოათავსა. 2 კვირის შემდეგ, მისდა გასაკვირად კვერცხიდან იხვის ჭუკი გამოიჩეკა და ერიკა "დედა" გახდა.
ფოტო: boredpanda
ფოტო: boredpanda
ლიმს ის თავიდანვე შეუყვარდა და ექსპერიმენტი დიდ მეგობრობად გადაიქცა. ჭუკს თავიდან დეიზი დაარქვა, თუმცა შემდეგ ბიბიტის დარქმევა გადაწყვიტა.
ფოტო: boredpanda
გასაკვირი არაა, რომ ბიბიტს წყალი უყვარს და ხშირად ნებივრობს აბაზანაში. ლიმი ამბობს, რომ თუ ბიბიტი ჩუმადაა, ე.ი რაღაც ჩაიფიქრა. ხშირ შემთხვევებში კი აღმოჩნდება რომ მან რაღაც გააფუჭა აბაზანაში.
ბიბიტს ძალიან უყვარს ერიკასთან ერთად დივანზე ჯდომა, როცა სამსახურიდან მოსული დაღლილი ლი ნეტფლიქსს უყურებს ან წიგნს კითხულობს. მეტიც, ქალი ამბობს, რომ ის პაემანის დროს კინოტეარშიც წაიყვანა, სადაც იხვი ძალიან კარგად იქცეოდა და ფილმითაც ისიამოვნა.
ერიკას თქმით, ბიბიტი ყოველ 25 საათში კვერცხსაც დებს, რომელიც მასაც ყოფნის და მეგობრებსაც უზიარებს.
"იხვები მშვენიერი კომპანიონები არიან. ჩემი ბიბიტი ძალიან ყურადღებიანი და თბილია. იმედია, ბევრი მიხვდება, თუ როგორი სასიამოვნოა სახლში იხვის ყოლა",- ამბობს ერიკა ლიმი.
საბოლოოდ ბიბიტი ქალაქელი იხვია, რომელმაც იცის როგორ უნდა ისიამოვნო ქალაქში ცხოვრებისას.
