ფოფხაძე: ტყვიებს როცა ჭედავ და სახელებს აწერ, შენ იწყებ სამოქალაქო ომს და წირავ ვიღაცეებს

ომი უკვე მიმდინარეობს ჩვენს შორის, იმიტომ რომ თუ ტყვიებს არ ვისვრით, ერთმანეთს ვწირავთ ჩვენი სიტყვებით. შეფასებებით, მოღალატეების ერთმანეთი შერაცხვით წოდებით. ეს ომი უკვე მიმდინარეობს. ვჭედავთ ტყვიებს და ვაწერთ სახელებს, ბიძინა, გედი, ეკა, სალომე... აი ტყვიებს როცა ჭედავ და ამ სახელებს აწერ, შენ იწყებ უკვე სამოქალაქო ომსაც, სამოქალაქო დაპირისპირებასაც და წირავ ვიღაცეებს. ძალიან მძაფრი დაპირისპირების, ესკალაცია მიდის ვიღაცეების მხრიდან და ისინი უნდა ფიქრობდნენ პასუხისმგებლობაზე. ჩემი განცხადება კი არ არის უპასუხისმგებლო, ვინც ორი თვეა მოღალატეებად აცხადებს ყველას მათგან განსხვავებული აზრის გამო, ესაა უპასუხისმგებლობა.