კალაძე: მინდა ვიკითხო, შესაძლებელია, რომ ვარაზისხევზე ქვაფენილის ნაცვლად გაკეთდეს ასფალტი?

ვარაზისხევზე დღეის მდგომარეობით არის ქვაფენილი, რომელიც ძალიან ხშირად ზიანდება და სერიოზულ პრობლემას წარმოადგენს კომუნიკაციებისთვისაც, ქვემოთ. მინდა უბრალოდ ვიკითხო, თუ არის შესაძლებელი, რომ ქვაფენილის ნაცვლად გაკეთდეს თანამედროვე, ევროპული ტიპის ასფალტი. არ ვიცი, ვკითხოთ ადგილობრივ მოსახლეობასაც. მგონია, რომ ჯერ ერთი ძალიან ხმაურია, მტვერი და სერიოზულ პრობლემას წარმოადგენს პირველ რიგში იქ მცხოვრები ადამიანებისთვის, ამიტომ, პატარა გამოკითხვა ჩავატაროთ თუ როგორი დამოკიდებულება იქნება ამ გადაწყვეტილებასთან დაკავშირებით და იმის მიხედვით ვიმოქმედოთ. რაც მთავარია, ეს არ არის ისტორიული ადგილი, არანაირი სტატუსი არ აქვს და შესაბამისად მგონია, რომ შესაძლებელია ამ ყველაფრის მოწესრიგება, საფეხმავლო გზის გაფართოებაც იქნება შესაძლებელი, ქვემოთ, კომუნიკაციები, მე რა ინფორმაციაც მაქვს, არის შესაცვლელი და მოსაწესრიგებელი