ბახტაძე საპრეზიდენტო კანდიდატზე: დავაკვირდებით მოვლენებს და მივიღებთ გადაწყვეტილებას

გუნდში მიმდინარეობს არამხოლოდ კომუნიკაცია, არამედ მე ვიტყოდი, დისკუსია ამ საკითხზე. მე თვითონაც არაერთხელ გავაკეთე განმარტება ამ საკითხთან დაკავშირებით, რომ ქართული ოცნების ფილოსოფია გახლავთ საქართველოში საპარლამენტო დემოკრატიის და საპარლამენტო რესპუბლიკის მშენებლობა, აქედან გამომდინარე, ორივე პოზიციას პარტიაში აქვს თავისი არგუმენტები. ის, რომ ვინაიდან, ჩვენ გვაქვს კონსტიტუციური უმრავლესობა პარლამენტში, შეიძლება, ჩვენი დემოკრატიული განვითარებისთვის უკეთესი იყოს, რომ საპრეზიდენტო არჩევნებში არ მიიღოს მმართველმა გუნდმა მონაწილეობა. თუმცა, რა თქმა უნდა, მეორე მხრივ არსებობს პოზიცია, რომ პარტია აუცილებლად უნდა იყოს წარმოდგენილი აუცილებლად თავისი კანდიდატით ამ არჩევნებზე. ჩვენ დავაკვირდებით მოვლენებს და მივიღებთ შესაბამის გადაწყვეტილებას