Reuters
Reuters
Getty Images
Reuters
Reuters
Reuters
Reuters
Reuters
Reutersპორტუგალიაში სამი დღის მანძილზე ეროვნული გლოვა იყო გამოცადებული. გასულ კვირას გაჩენილმა ხანძარმა 37 ადამიანის სიცოცხლე შეიწირა. ოთხი თვით ადრე ხანძარს კიდევ 64 ადამიანი ემსხვერპლა.
პორტუგალიასა და ესპანეთში ხანძრების ჩაქრობას წვიმამ შეუწყო ხელი. ხანძრის კერების ლოკალიზების შემდეგ პორტუგალიის შინაგან საქმეთა მინისტრი თანამდებობიდან გადადგა.
ოპოზიცია მთავრობას მოუმზადებლობაში ადანაშაულებს. პორტუგალიის სამოქალაქო დაცვის სააგენტოს მეხანძრეთა კონტიგენტი სრული ძალით მხოლოდ პირველი ივლისიდან 30 ოქტომბრამდეა მობილიზებული. ოქტომბრიდან მათი რაოდენობა ნახევრდება.
მთავრობის კრიტიკოსები მიიჩნევენ, რომ კატარსტროფის გამწვავებას საგანგებო სიტუაციათა სერვისების არასწორმა მართვამ და მიწის კერძო მესაკუთრეთათვის რეგულაციების შემსუბუქებამ შეუწყო ხელი.
მოსახლეობა მთავრობის არაეფექტურობის გაპროტესტებას შაბათს და კვირას მდუმარე აქციების გამართვით აპირებს.
პორტუგალიის პრემიერ მინისტრმა, ანტონიო კოსტამ ხანძარსაწინააღმდეგო ზომების განსახილველად მინისტრთა კაბინეტის სპეციალური შეხვედრა დანიშნა.
