თბილისში, მთაწმინდის მიმდებარე ტერიტორიაზე ხანძარია. საგანგებო სიტუაციების სამსახურის ინფორმაციით, ცეცხლი, სავარაუდოდ, ბალახს უკიდია.
სახანძრო სამაშველო ჯგუფები ადგილზე უკვე გავიდნენ.
მთაწმინდაზე ხანძარი 8 აგვისტოსაც გაჩნდა, მაშინ ორი ჰექტარის ფართობის მწვანე ნარგავები დაიწვა. შსს-მ გამოძიება სისხლის სამართლის კოდექსის 188-ე მუხლით დაიწყო, რაც სხვისი ნივთის განზრახ დაზიანებას გულისხმობს.