ბათუმში ქალს სატვირთო მატარებელი დაეჯახა. ბათუმის სასწრაფო-სამედიცინო დახმარების ცენტრის ინფორმაციით, დაშავებულის ჯანმრთელობის მდგომარეობა მძიმეა.
ინტერპრესნიუსის ინფორმაციით, 44 წლის ქალი საავტომობილო გზიდან მატარებლის ლიანდაგზე გადადიოდა, რა დროსაც სატვირთო მატარებელი დაეჯახა.
საქართველოს შინაგან საქმეთ სამინისტრომ მომხდარზე გამოძიება სსკ-ის 275-ე მუხლის პირველი ნაწილით დაიწყო, რაც რკინიგზის, წყლის, საჰაერო ან საბაგირო ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
