ABC
ABC
ABCამერიკელმა კომიკოსმა და Jimmy Kimmel Live-ს წამყვანმა, ჯიმი ქიმელმა საკუთარ შოუში, გამხსნელ 10-წუთიან მონოლოგში რამდენიმე დღით ადრე საკუთარი ცხოვრებაში მომხდარ მნიშვნელოვან მოვლენაზე ილაპარაკა. მონოლოგში თვალცრემლიანმა ტელეწამყვანმა 3 დღის შვილის გულის ოპერაციის შესახებ ისაუბრა.
გასულ კვირას, ჯიმი ქიმელსა და მის მეუღლეს მოლი მაკნერნის შვილი უილიამ "ბილი" ქიმელი შეეძინათ.
"ბილი გულის დაავადებით დაიბადა, ის მხოლოდ სამი დღის იყო, როდესაც გულის ოპერაცია დასჭირდა. ეს ჩემს ცხოვრებაში ყველაზე რთული 3 საათი იყო. ათეისტებიც კი ჩვენთან ერთად ლოცულობდნენ. ნაბიჭვარმა მეტ დეიმონმაც კი გამოგვიგზავნა ყვავილები",-აღნიშნა ჯიმი ქიმელმა.
ახლა, ბილი ქიმელი 10 დღის არის და კარგად გრძნობს თავს, თუმცა მას რამდენიმე თვეში მეორე ოპერაცია დასჭირდება და შემდეგ რამდენიმე ხნის მერე მესამე პროცედურაც.
