სიღნაღის რაიონის სოფლის საბავშვო ბაღიდან 11 ბავშვი საავადმყოფოში გადაიყვანეს

სიღნაღის რაიონის სოფელ საქობოს საბავშვო ბაღის 11 აღსაზრდელი საავადმყოფოშია გადაყვანილი. მათ მაღალი ტემპერატურა და ღებინება აღენიშნებოდათ.

ექიმების თქმით, ამ ეტაპზე ბავშვების მდგომარეობა სტაბილურია და მათი კლინიკური სურათი ენტეროვირუსისთვისაა დამახასიათებელი.

რუსთავი 2-ის ცნობით, სიღნაღის რაიონის ბაგა-ბაღების გაერთიანებაშიც ამბობენ, რომ მოზარდების ავადმყოფობა არა საკვებს, არამედ ვირუსულ ინფექციას უკავშირდება.