თურქეთის პრეზიდენტის რეჯეფ თაიფ ერდოღანის თქმით, მას აქვს მტკიცებულებები, რომ ე.წ. ისლამური სახელმწიფოს წინააღმდეგ მებრძოლი კოალიცია, რომელსაც აშშ მეთაურობს, თავად ეხმარება ტერორისტულ დაჯგუფებებს. მათ შორის ISIS-სა და სირიელი ქურთების დაჯგუფებას.
"ისინი (ანტიტერორისტული კოალიცია) ჩვენ გვაბრალებდნენ ე.წ. ისლამური სახელმწიფოს მხარდაჭერას. ახლა კი ისინი თავად ეხმარებიან ტერორისტულ დაჯგუფებებს, მათ შორის ISIS-ს. ეს აშკარაა, ჩვენ გვაქვს მტკიცებულებები - ფოტოებით და ვიდეოებით", - თქვა ერდოღანმა.
ერდოღანის განცხადებას, მოგვიანებით, აშშ-ის სახელმწიფო დეპარტამენტი გამოეხმაურა. დეპარტამენტის სპიკერის, მარკ ტონერის თქმით, ერდოღანის განცხადება უბრალოდ სასაცილოა.
"ეს განცხადება სასაცილოა. არ ვიცი, საიდან ჩნდება ასეთი აზრები", - თქვა ტონერმა.
