აზერბაიჯანში კონსტიტუციური ცვლილებების მიღების თაობაზე რეფერენდუმი მიმდინარეობს.
რეფერენდუმის მთავარი შეკითხვა საპრეზიდენტო მანდატის 5-დან 7 წლამდე გაზრდას ეხება. გარდა ამისა, რეფერენდუმი ვიცეპრეზიდენტის პოსტის არსებობის საკითხსა და სახელმწიფო მეთაურობისა და დეპუტატობის კანდიდატებისათვის დაწესებული ასაკობრივ ზღვარსაც ეხება.
მოსახლეობას საკუთარი აზრის დაფიქსირება ქვეყნის მასშტაბით გახსნილ 5200-ზე მეტ საარჩევნო უბანზე შეუძლია.
ცნობისთვის, ივლისში აზერბაიჯანის პრეზიდენტმა, ილჰამ ალიევმა პრეზიდენტის მანდატის 7 წლამდე გაზრდის თაობაზე საკონსტიტუციო სასამართლოში კონსტიტუციაში ცვლილებებთან დაკავშირებით რეფერენდუმის ჩატარებაზე პროექტი შეიტანა. სასამართლომ რეფერენდუმის ჩატარების შესახებ დადებითი გადაწყვეტილება მიიღო.
