კანის ფესტივალის ოქროს პალმის რტოს მფლობელი, ირანელი კინორეჟისორი აბას კიაროსტამი 76 წლის ასაკში პარიზში გარდაიცვალა. იგი სიმსივნის გამო საფრანგეთში მკურნალობდა.
კიაროსტამი 1979 წლის ისლამური რევოლუციის შემდეგ, ირანში დარჩა და 40-ზე მეტი ფილმი გადაიღო, მათ შორისაა დოკუმენტური ფილმებიც. მან 1997 წელს მოიგო კანის ფესტივალის უმაღლესი ჯილდო - ოქროს პალმის რტო ფილმისთვის „ალუბლის გემო".
აბას კიაროსტამიმ ბოლო ორი ფილმი ქვეყნის გარეთ გადაიღო. ის ჯერჯერობით ერთადერთი ირანელია, რომელმაც ოქროს პალმის რტო მოიპოვა.
