რუსთავი 2-ის საქმეზე სასამართლო პროცესი გადაიდო. ის ხვალ, 11:00 საათზე გაიმართება. მოსამართლე ურთმელიძემ ტელეკომპანიის ადვოკატების მოთხოვნა დააკმაყოფილა. იურისტები სხდომის გადადებას ორშაბათისთვის ითხოვდნენ.
როგორც ტელეკომპანიის იურისტები აცხადებდნენ, გუშინდელ პროცესზე ექსპერტის დაკითხვა მნიშვნელოვანი იყო და სხდომის ოქმის გამოთხოვა ვერ მოასწრეს. "წერილი დღეს ჩავაბარეთ კანცელარიაში და მოვითხოვთ ვადას, რათა სტენოგრამა გადმოგვცენ", - აცხადებდა თამთა მურადაშვილი.
