პოლონეთს სურს, მის ტერიტორიაზე ამერიკელი სამხედროები მუდმივად განლაგდნენ. ამის შესახებ ქვეყნის თავდაცვის მინისტრმა ტომაშ სემონიაკმა განაცხადა. მის თქმით, ამჟამად პოლონეთი ცდილობს, ხელი შეუწყოს NATO-ს ძალების წვრთნებს საკუთარ ტერიტორიაზე. სემონიაკის თქმით, წელს ამ წვრთნებში NATO-ს 10 ათასამდე სამხედრო მიიღებს მონაწილეობას.
ამჟამად ალიანსის მანევრების ფარგლებში ვარშავის მახლობლად ამერიკული პეტრიოტის ტიპის ჰაერსაწინააღმდეგო სისტემები არის განლაგებული.
