ამერიკის შეერთებული შტატების ჩრდილო-აღმოსავლეთში თოვლის ქარბუქის შედეგად, სულ მცირე 7 ადამიანი დაიღუპა. დიდთოვლობის გამო ნიუ იორკის შტატის ხელისუფლებამ საგანგებო მდგომარეობა გამოაცხადა. შეფერხებულია ტრანსპორტის მოძრაობა.
ბუფალოში დღე-ღამეში 2 მეტრამდე თოვლი მოვიდა, რაც 1976 წლის შემდეგ არ დაფიქსირებულა. ჰაერის ტემპერატურა -11 გრადუსამდე დაეცა.
ხელისუფლებამ ბუფალოში გზების გასაწმენდად ასეულობით ერთეული ტექნიკა გაგზავნა. სინოპტიკოსთა პროგნოზით, დიდთოვლობა და ყინვა შეერთებულ შტატებში კიდევ გაძლიერდება.
