ბათუმის ტექნოლოგიური უნივერსიტეტის თბილისში გადმოტანის შესახებ, დღეს, 24 ივნისს, პრეზიდენტობის კანდიდატმა, განათლებისა და მეცნიერების მინისტრმა გიორგი მარგველაშვილმა ჟურნალისტებს განუცხადა.
"ბათუმის უნივერისიტეტი იყო სააკაშვილის ერთ-ერთი იდეა, რომელსაც არანაირი რეალური საფუძველი არ გააჩნდა. ჩვენს ამერიკელ პარტნიორებთან შევთანხმდებით ამ უნივერსიტეტის მომავალთან დაკავშირებულ დეტალებზე და, სავარაუდოდ, უნივერსიტეტი თბილისში გადმოვა", - განაცხადა გიორგი მარგველაშვილმა.
მარგველაშვილის თქმით, ამერიკელი პარტნიორებიც პრეზიდენტის ამ წამოწყებას არარეალისტურს უწოდებენ:
"ეშმაკის ბორბალზე უნივერსიტეტი, ვფიქრობ, შეიძლება იყოს პოლიტიკური განცხადება, განსაკუთრებით ასეთი პრეზიდენტის მხრიდან. მაგრამ, რეალურად, ამერიკელი პარტნიორებიც და ჩვენც მივიჩნევთ, რომ ეს არარეალისტური იყო", - აღნიშნა მარგველაშვილმა.
