თბილისის აეროპორტთან სატვირთო მატარებლის ოთხი ვაგონი ამოტრიალდა. ვაგონები საწვავით იყო დატვირთული. შემთხვევა დღეს, 8 აპრილს დილის 8 საათისთვის მოხდა. რკინიგზის დაახლოებით 100-მეტრიან მონაკვეთზე ლიანდაგები აყრილია. ლიანდაგებიდან გადავარდა 4 ცისტერნა, მათ შორის - მემანქანის კაბინა.
გავრცელებული ინფორმაციით, ინციდენტის დროს არავინ დაშავებულა.
შემთხვევის ადგილზე საგანგებო სიტუაციათა სამსახურის თანამშრომლები არიან მობილიზებული. ისინი საწვავის აალების თავიდან აცილებას ცდილობენ.
ავარიის ადგილას შინაგან საქმეთა სამინისტროს თანამშრომლებიც იმყოფებიან.
